الاثنين، 18 نوفمبر 2013

كوميكس سوداني Candace Liberty Queen

"
مشروع القصة المصورة الكنداكة ملكة الحرية ,اكلمكم عنها , هي قصة كل العملته اني طلعتها من تاريخ السودان ونفضت عنها غبار كان فوقها وبحاول اسي اقدمها لشباب بلدي , لشباب ما مقتنع بانه البلد دي عندها تاريخ او مستقبل , بس لانه الحاضر سيء, او شباب شايف مستقبل جميل برغم الحاضر السيء, بحاول اقدمها للكل عشان هي قصة زي بلدي بتسع الكل, قصة انسانة معنى لقبها الام المقدسة, زي كل ام في كل بيت , وزي كل بت حتكون ام في يوم من الايام, وشعب مؤمن بالحرية قبل كل شيء , حاربوا تحت قيادتها عشان الحرية , وحياتهم ما كانت اهم من تراب بلدهم , ووصلوا للحرية ووصلوا للحياة الابدية , عشان احنا احفادهم بعد الفين واربعين سنة حنتذكرهم ونفضل نتذكرهم بقصة الكنداكة ملكة الحرية "
محمد يحي  - كاتب قصة الكنداكة ملكة الحرية 




مصمم سوداني بارع في الرسوم الكرتونية الانميشن Comic artist تمكن من تقديم مشروع جدير بالاهتمام بمعاونة القاص البارع محمد يحي ابدعوا في تناول الاثر العظيم للشعب السوداني من خلال قصة ملكة الكنداكة و تدور محاور القصة حول ماثر المواقف التي سطرتها تلك الملكة في ذلك الزمن ..اليوم فقط تعرفت علي فكرة المشروع من خلال بوست احد الاصدقاء عندما قام محمد يحي بالتعليق و الاشارة لمشروعه و قد وجدت صفحةالمشروع انطلقت في اغسطس 2013.


" الملكة أماني شخيتو (12-41 ق.م) هي أشهر ملكة سودانية على مرّ التاريخ. فقد كان للمرأة دوراً هاماً في الحياة الاجتماعية والدينية والسياسية في مملكة مروي (350 – 900 ق.م) في نبتة Napta  التي تعرف حالياً باسم مدينة كريمة. ""



مشروع يستحق الاهتمام و الدعم بأعتبار ان فن الكومكس او كما سماه المتخصصين بالفن التاسع اصبح من اقوي وسائل التعبير ضمن ما نشاهده و نتابعه يومياٌ 

هناك تعليق واحد:

  1. الف شكر يا انسان , ونتمنى انه الشباب السوداني يعرف اكتر عن بلده وتاريخه بالقصص دي , وكل العالم يكون فكرة عن تاريخ البلد الجميلة دي وناسها

    ردحذف